هى دى بلدى

عدد المساهمات : 44 تاريخ التسجيل : 12/03/2010

بحبك واكره اللى يقوول آميين
بحبك ولو علا كل شئ الطين

برغم المواجع على طول السنين
لسه شايف امل وطريق يمين
يمكن يكون فى المنام

والحقيقه هيا الأنين
برغم الآلام انا لسه من الصاحيين

تحت الشمس ليا مكان ويا الماشيين
وبحارب فى الطابور عشان رغيفين

وبنحشر فى الاوتوبيس مخنوق مع المزنوقين
واوصل لقبرى الل باخد منه القرشين

قصدى شغلى ما فيش فرق بين الكلمتين
هيا موته ولا اكتر ما انا ممكن اضيع تحت عجلتين

وبراكى ممكن اموت تحت الدفتين
بس لسه عايش الفرحه فى لمه ولو بين اتنين

مهون عليا يا صاحبى بس أنت فين
تهت منى وبتدور على دولارين وجنيهين

عشان تستر نفسك بيهم بحيطتين
لسه شايف الفرحه ما بين غمازتين

فى وش عيل اسمر العينين أكحل الرمشين
مركز فى لعبه ويا البلالين
دنيته فى كوره وبليتين

شايفاها فى فرحه عجوز بعد ما جبرت باست الكفين
حامده على الصحه والستر رب العالمين